Намаз уку

“Иман” нәшриятендә “Биш вакыт намаз уку тәртибе” дигән яңа китап басылып чыкты. Исеменнән үк күренгәнчә, әлеге җыентыкта иртәнге, өйлә, икенде, ахшам, ястү (болары-фарыз намазлар) һәм витр вәҗиб намазлары турында тәфсилләп аңлатыла. Китапта фоторәсемнәр дә бар. Анда намаз вакытында укыла торган аятьләр, зикерләр, догалар да бирелгән. Алар кириллицада да, гарәп хәрефләре белән дә бастырылган, шунда ук мәгънәләре дә шәрехләнгән. Болардан тыш, тәһарәт алу, госел коену, тәяммүм кылу кагыйдәләре дә күрсәтелгән.

Бу китап 5 вакыт намаз укырга өйрәнергә теләгән һәркем өчен дә файдалы булыр, чөнки фарыз намазын уку һәр мөселманга мәҗбүри. Китапны нәшер ителүгә Хәбибрахман Хөсәен әзерләде, дип хәбәр итә “Иман” нәшрияте.

Фотоотчетлар: