Борбаш малайлары Екатеринбургта бәйгедә катнашты

Борбаш малайлар пансионатында тәрбияләнүче Нәҗмиев Мостафа һәм Гарифуллин Әхмәт-Фарук Екатеринбург шәһәрендэ узган Бөтенроссия Корьән укучылар бәйгесендә катнашты.

“Ярдәм” мөселман малайлары пансионаты Татарстандагы аз керемле һәм күп балалы гаиләләрдәге мәктәп яшендә булган ир-балалар өчен ачылды. Анда 30 бала яши һәм тәрбияләнә. Авыл мәктәбендә алар урта белем ала.

Мөселман пансионаты балаларга рухи тәрбия бирү, киләчәктә ислам дине өлкәсендә эшли алачак кешеләрне әзерләү максатын күздә тота. Ир-балалар биредә V-XI сыйныфларда уку дәверендә тәрбияләнә.

Алар көндез дөньяви мәктәптә белем ала, ә кичләрен һәм ял көннәрендә рухи-әхлакый тәрбия бирүче факультатив дәресләргә йөри.