Гошер сәдакасын биреп,  ярдәмгә мохтаҗ булганнарга шатлык китереп бик күп кешеләр саваплы булды. Бик күп авыллардан мәчетебезгә ярдәм килде.

Без аларны мохтаҗларга таратуны дәвам итәбез. Шул исәптән сукырлар, чукраклар, инвалидлар, инвалид балалар тәрбияләүче әниләр оешмаларына, башка мәчетләргә дә илтеп бирдек.

Күп кеше килеп ала алмый, өеннән чыкмыйча авырый.  Андыйларга йортларына  китердек.
Үз бакчагызда хәләл көчегез белән үстергән хезмәт җимешләрегезне Аллаһы Тәгаләнең рәхмәте өчен гошер итеп биргән тырыш, мәрхәмәтле кешеләргә бик зур рәхмәт!